Жеңелер

Атактуулардын аялдары күйөөсү жөнүндө

Бүгүнкү 23-февраль ата мекенди коргоо күнүнө карата кыргыз элине билими, таланты, өнөрү менен кызмат кылып аты ар бир кыргызга тааныш болуп калган инсандар тууралуу аялдарынан эки ооз кеп сурадык. Кандай майрам болбосун, эң башкысы жакшы сөз менен жакшы маанайды талап кылат эмеспи.

Мамбет Мамакеевдин байбичеси Сокен апа: “Биздин баш кошуубузга менин чачымдын узундугу себеп болгон”

Көп жылдык эмгек жолунда миңдеген адамдын өмүрүн кайтарып берген ак халатчан атабыз Кыргыз Эл баатыры, академик, хирург Мамбет Мамакеев 90 жашка чукулдап калса да күн сайын оорулууларды кадимкидей кабыл алып, оор операцияларды жасарын угуп-билип жүрөбүз.

Таалайкан Абасова: «Министрдин аялы болуш деле оор экен»

Таланттуу жубайлар Алтынбек Максүтов менен Таалайкан Абасова бул учурга чейин актёр, актриса катары белгилүү болуп келген болсо, бүгүнкү күндө актёр мырза Маданият министри болуп олтурат. «Министрдин аялы» деген статуска ээ болгон актрисаны кепке тартып азыноолок маек курдук.

Кубик КАЛЫКОВдун жубайы Динара айым: «Кубиктин чыгармачылыгынан тажап көргөн эмесмин»

Сахналаштарынан чакан бою, чапчаң ою менен айырмаланган Кубик Калыков эр ортону элүүгө келип, өткөнүнө сереп салып, бүгүнкүсүнө каниет кылып таята болуп турган чагы. Бир түндүктүн алдындагы эркек менен аялдын жаны эле бөлөк болбосо, тилегени, күткөнү, ойлору бир эле болуп калат эмеспи.

Абдылда Иманкуловдун жубайы Ырыс эже: “Абдылданын мага бир гана жолу колу тийип, көзүм көгөргөн”

Түрдүү сатиралары менен элди күлкүгө бөлөп келген куудул Абдылда Иманкулов быйыл 50 жашка толуп, юбилейин белгилеп турган учуру. Эр ортону элүүгө чыккан куудул үйдө кандай адам, кандай жар, кандай ата экенин билүү максатында отуз жылдан бери өмүр кемесинде чогуу сүзүп келатышкан жубайы менен баарлаштык.

Жумаш Өмүрова, Төлөмүш Окевдин жубайы: “Төлөмүш мени эки жолу өлүмдөн алып калган”

Маданиятыбызга, анын ичинен кыргыз киносуна ат көтөргүс салым кошуп, тарткан тасмалары бүгүнкү күнгө чейин актуалдуулугун жоготпой келген көрүнүктүү инсаныбыз Төлөмүш Океевдин чыгармалары кыргыздын кино классикасына айланганы ырас. Кинорежиссёр көзү тирүү болгондо быйыл 80 жаш курагын белгилемек.

Страницы