Жеңелер

ЖУМАЛИЕВА Жумагүл, КР эмгек сиңирген артисти: “Кыргызбай экөөбүз бири-бирибизсиз жашообузду элестете албайбыз”

Бүгүнкү коногубуз кыргыз элине аттын кашкасындай таанымал инсан, эл артисти Кыргызбай Осмонов агайыбыз менен 30 жылдан ашуун убакыттан бери бир түндүктүн алдында жашап келе жаткан Жумалиева Жумагүл айым. Эл кызматын аркалап келе жаткан адамдын өмүрлөшү болуунун ысык-суугу тууралуу коногубуз буларды кеп кылып берди.

Ташболот БАЛТАБАЕВдин жубайы Жаңыл БАЛТАБАЕВА: “ТАШБОЛОТ ЭКӨӨБҮЗ ЭЧ КИМГЕ АЙТПАЙ БАШ КОШУП АЛГАНБЫЗ”

Бир көрүп жактырышып, оор кырдаалда бири-бирине арка-жөлөк болуп 48 жыл түтүн булатып бирге жашаган Жогорку Кеңештин депутаты Ташболот Балтабаевдин жубайы Балтабаева Жаңыл эже биздин төрүбүздүн коногу болду. Депутат менен бирге өмүр сүрүп, саясаттын артындагы ар кандай күнгө күбө болгон Жаңыл эже бизге буларды айтып берди.

Бакыт БУКАЕВдин жубайы Жылдыз: «УУЛУМ «АТАМА ЧАЛ, СҮЙЛӨШӨМ» ДЕП ЖҮРӨКТҮ ЭЗЕТ»

Кыргызга журналист, шоумен, акыркы учурда тамада катары белгилүү болгон Бакыт Букаевдин кылмышкерлердин колунан мыкаачылык менен каза болгону уккан ар бир адамды сестентпей койгон жок. Бул окуя баарынан дагы анын жакындары үчүн оор сокку болду. Таланттуу инсан менен беш жыл чогуу жашап, жашоонун ысык-суугун бирге көрүп калган жубайынын күйүтүндө чек жок.

Дүйшөн БАЙДӨБӨТОВдун жубайы Кенже эже: «ӨСПҮРҮМ КЕЗИМДЕГИ СҮЙҮҮМ ҮЧҮН КӨП НЕРСЕГЕ КӨЗ ЖУМДУМ»

“Жеңелерден жетик кеп” рубрикабыз элге эмгеги сиңип, аты ар бир адамга тааныш болуп калган белгилүү инсандардын бейнесин өмүрлөшү аркылуу ачып келе жаткандыгы сизге белгилүү. Биздин бул жолку ардактуу коногубуз сүрдүү жүзү, мээримдүү үнү жана кайталангыс образдары элге жакындан тааныш болгон таланттуу инсан Дүйшөн Байдөбөтовдун жубайы болмокчу.

Асылбек ӨЗҮБЕКОВдун жубайы Сүйүн эже: “Сырттан караган адамга чыгармачыл адам менен жашаш жыргалдай сезилет”

Аткарган мыкты ролдору, мукам үнү үчүн КРнын эмгек сиңирген артисти Асылбек Өзүбековго кимдер гана суктанбаган, кимдер гана ашык болбогон. Биз бул ирет ошол эл суктанган адамга кандай жубай туш болгонуна кызыктык. “Эрди эр кылган дагы, кара жер кылган дагы аял” демекчи, көрсө, агайдын ушул деңгээлге жеткенине жубайынын таасири чоң болгон экен.

Жолболду АЛЫБАЕВдин өмүрлөшү Бүсайра эже: “Жокени "запойдо" жүргөнүнө карабай сүйгөн экенмин”

Уккан адамдын жан дүйнөсүн сүйүү сезимдерине жетелеген “Чолпонум” аттуу кайталангыс чыгарманын автору Жолболду Алыбаев азыркы кездеги маданияттын алдыңкы өкүлдөрүнүн сап башында турат. Жашоосун чыгармачылыкка арнаса да борбордон алыс турган талантыбыздын жаңылыктарын суроо менен жубайынын сырын уктук. Анда жаркылдаган шайыр жеңенин ачык маеги башынан болсун.

Страницы