Камырдан жасалган тамактар

“Роза” манты

Кандай азыктар керек?

Камыр үчүн:

Ун: 3 стакан

Суу: жарым стакан

Жумуртка: 1 даана

Майонез: 2 чоң кашык

Туз: жарым кашык

Фарш үчүн:

Эт: 300 г

Пияз: 2 баш

Койдун ич майы: 100 г

Туз, мурч

Кантип жасалат?

Камырга керектелүүчү азыктарды аралаштырып, камыр жууруйсуз да, аны жарым саат тыныктырып коёсуз.

Камыр тыныккыча өзүңүз каалагандай фарш жасайсыз.

Камырды жайып, болжол менен узунун 30, туурасын 10 см кылып кесесиз.

Камырдын ортосуна фаршты салып, бүктөйсүз да, розанын формасына келтирип оройсуз.

 

 

Варениктер

Кандай азыктар керек?

Камыр: 1 жайым

Картошка: 2-3 даана

Пияз: 1-2 баш

Өсүмдүк майы: 2 чоң кашык

Каймакмай: 2 чоң кашык

Туз, мурч

Кантип жасалат?

Картошканы аарчып, чоң-чоң бөлүктөргө бөлүп алып сууга бышырасыз.

Пиязды майда туурап, өсүмдүк майына кызаргыча кууруйсуз.

Картошканы эзип, куурулган пияздын үстүнө саласыз. Ага каймакмай, туз, мурч кошуп жакшылап аралаштырасыз.

Камырды жайып, чоңураак стакандын жардамы менен тегерекчелерди кесесиз.

Тегерекченин ортосуна картошканы салып, камырдын чекелерин бириктирип, кооздоп коёсуз.

Даяр болгон варениктерди туздуу сууга салып, 5 мүнөт кайнатасыз.

Бышканда тарелкага салып, каймак менен берсеңиз болот.

 

Айназик РАИМКУЛОВА